રિલાયન્સ જિયો ઇન્ફોકૉમ (Reliance jio Infocomm)નો નેટ પ્રૉફિટ ચાલુ નાણાકીય વર્ષના ત્રીજા ક્વાર્ટરમાં 10 ટકા વધીને 3,615 કરોડ રૂપિયા રહ્યા, જે ગયા નાણાકીય વર્ષના ક્વાર્ટરમાં 3,291 કરોડ રૂપિયા હતા. ક્વાર્ટરના આધાર પર નજર કરીએ તો રિલાયન્સ જિયો ઈન્ફોકૉમના નફામાં 2.5 ટકાનો વધારો થયો છે. રિલાયન્સ જિયો માર્કેટ શેરની દ્રષ્ટિએ દેશની સૌથી મોટી ટેલિકૉમ કંપની છે. તે રિલાયન્સ ઇન્ડસ્ટ્રીઝ લિમિટેડની ટેલિકૉમ યુનિટ છે અને જિયો પ્લેટફૉર્મની સબ્સિડિયરી કંપની છે.
રિલાયન્સ જિયોની આવક પણ ડિસેમ્બર ક્વાર્ટર દરમિયાન ક્વાર્ટરના આધાર પર 3.3 ટકા વધીને 19,347 કરોડ રૂપિયા રહી છે. ગયા નાણાકીય વર્ષના આ ક્વાર્ટરમાં કંપનીને 18,492 કરોડ રૂપિયાની કમાણી કરી હતી.
કંપનીના EBITDA (અર્નિંગ બિફોર ઇન્ટરેસ્ટ, ટેક્સ, ડેપ્રિસિએશન અને એમૉર્ટાઇઝેશન) ડિસેમ્બર ક્વાર્ટરમાં 18 ટકા વધીને 10,008 કરોડ રૂપિયા રહ્ય અને આ પહેલી વાર છે જ્યારે કંપનીનનું કોઈ ક્વાર્ટરમાં EBITDA 10,000 કરોડ રૂપિયાને પાર થઈ ગયો છે.
રિલાયન્સ જિયોનો ઑપરેટિંગ પ્રૉફિટ ક્વાર્ટરના આધાર પર 5.8 ટકાથી વધીને 9,514 કરોડ રૂપિયા રહ્યા છે. એ જ રીતે કંપનીનું ઑપરેટિંગ માર્જિન વધીને 49.2 ટકા થઈ ગઈ, જો ગયા ક્વાર્ટરમાં 48 ટકા હતું.
રિલાયન્સ જિયોના પ્રતિ યુઝર સરેરાશ કમાણી (ARPU) ડિસેમ્બર ક્વાર્ટરમાં 151.6 રૂપિયા રહી, જે ગયા ક્વાર્ટરની સામે 5.6 ટકા વધારે છે. ડિસેમ્બર ક્વાર્ટરમાં રિલાયન્સ જિયોનું મજબૂત ઑપરેટિંગ પ્રદર્શન બતાવે છે કે કંપનીને આ ક્વાર્ટરમાં તેના ટેરિફમાં વધારો કરવાથી ફાયદો મળ્યો છે.
