Zomato-Paytm Share Price: ન્યૂ એજ ટેક શેરો માટે આજે 24 જાન્યુઆરીના શરૂઆત ખૂબ ખરાબ રહી. Zomato અને Paytm જેવા શેરો પર સતત દબાણ જોવા મળી રહ્યું છે. આજના કારોબાર દરમિયાન તે તૂટીને આ લિસ્ટિંગ પ્રાઇસથી પણ નીચે ટ્રેડ કરી રહ્યો છે. Zomatoના શેર 24 જાન્યુઆરીએ શરૂઆતી કારોબારીમાં 18 ટકા સુધી ઘટી ગયો હતો. સવારે 10.20 વાગ્યા પર Zomatoના શેર 18.43 ટકાની નીચે 92.50 રૂપિયા પર ટ્રેડ કરી રહ્યો હતો. છેલ્લા 5 કારોબારી સત્રમાં તેના શેર 25 ટકાથી વધુ ઘટ્યા છે. બીજી તરફ Paytmનો શેર 24 જાન્યુઆરીએ 4 ટકા ઘટીને 924 રૂપિયા પર ટ્રેડ કરી રહ્યા છે.
ફૂડ ડિલિવરી પ્લેટફૉર્મ Zomatoની લિસ્ટિંગ જુલાઈ 2021 માં થઈ હતી. કંપનીની ઈશ્યુ પ્રાઇસ 76 રૂપિયા હતી અને હાલમાં તે ઈશ્યુ પ્રાઇસ કરતા 30 ટકા ઉપર બન્યું છે જ્યારે Paytmની ઇશ્યૂ પ્રાઇસ 2150 રૂપિયા હતી અને તેના શેર ઇળ્યુ પ્રાઇસથી 924 રૂપિયા પર ટ્રેડ કરી રહ્યા છે.
મિન્ટના અનુસાર, જીઓજીઆઈએસ ફાઈનાન્સિયલ સર્વિસીસના ચીફ ઈન્વેસ્ટમેન્ટ સ્ટ્રેટેજિસ્ટ વીકે વિજયકુમારે કહ્યું, “ગ્લોબલ માર્કેટમાં ટ્રેન્ડ ખૂબ જ નબળો છે. ગયા સપ્તાહે S&P તેની ઑલ ટાઇમ હાઈમ હાઈથી 8 ટકા અને Nasdaq 15 ટકા ઘટીને બંધ થયો હતો. ગયા સપ્તાહ ટેક શેરોમાં મજબૂત ઘટાડો આવ્યો હતો. યુરોપિયન માર્કેટમાં પણ શેરોમાં ઘટાડો ચાલું છે." વિજયકુમારે કહ્યું કે ટેક શેરોના વેચાણમાં એક ખાસ ટ્રેન્ડ જોવા મળી રહ્યું છે કે નૉન-પ્રૉફિટેબલ ટેક શેરોથી રોકાણકારો મોટી સંખ્યામાં નીકળી રહ્યા છે. આ ટ્રેન્ડની અસર ભારતમાં Zomato અને Paytm જેવા શેરો પર જોવા મળી રહી છે.
